ការបង្កាត់ពូជ

·       កសិករគួរមានការប្រុងប្រយ័ត្នក្នុងការបង្កាត់ពូជគោ ព្រោះវាអាចខាតបង់ពេលវេលា និងថវិកា បើមេគោមិនដើម។

·       កសិករត្រូវតាមដានត្រួតពិនិត្យឱ្យបានត្រឹមត្រូវនូវស្ថានភាព និងពេលវេលាមេគោរកឈ្មោល និងការថែរក្សាមេក្រោយពេលបង្កាត់។

·       មូលហេតុដែលមេគោមិនរកឈ្មោល ឬដាក់ឈ្មោលមិនជាប់ :

-  ផ្តល់ចំណីមិនគ្រប់គ្រាន់ទាំងបរិមាណ និងគុណភាព

-  មេមានជំងឺលើប្រដាប់បន្តពូជ (ធ្លាប់រលូតកូន) ឬបង្កាត់ជាមួយបាដែលទើប បានបង្កាត់ជាមួយមេមានជំងឺរលូតកូន

-  មានជំងឺ ពិសេសជំងឺដែលធ្វើឱ្យមេគោគ្រុនក្តៅខ្លាំង (ជំងឺឆ្លងកាចសាហាវ)

-  ប្រដាប់បន្តពូជគោមិនមានលក្ខណៈធម្មតា

-  មានជំងឺបរាសិត (ព្រូន និងចៃ) ធ្ងន់ធ្ងរ

·       តើធ្វើដូចម្តេច ដើម្បីឱ្យការដាក់ឈ្មោលមានប្រសិទ្ធិភាព ?

-  ជាធម្មតាមេគោរកឈ្មោលមានរយៈពេល ១ ទៅ២ថ្ងៃ ។

-  មេគារកឈ្មោលឡើងវិញរៀងរាល់ ២១ថ្ងៃម្តង។

-  មេគោត្រូវបង្កាត់នៅពេលរកឈ្មោលបាន ១៨ម៉ោង។

-  ពេល វេលាល្អ សម្រាប់បង្កាត់គឺនៅពេលមេឃត្រជាក់(ពេលព្រឹក ឬល្ងាច) និងដាក់ឈ្មោល ចំនួន២ដង ក្នុងពេលរកឈ្មោល១លើកៗ គឺថាបើដាក់ឈ្មោលលើកទី១នៅពេលព្រឹក គឺយើងដាក់ឈ្មោលលើកទី២ នៅពេលល្ងាច ។

-  ក្រោយពីបង្កាត់បានរយៈពេល ២១ថ្ងៃ បើមេគោមិនរកឈ្មោល នោះមានន័យថា មេគោផើមហើយ ។

-  មេគោផើមមានរយៈពេល ៩ខែ និង ១០ថ្ងៃ ។